खराब हवै सड़क
जिला चित्रकूट, ब्लाक पहाड़ी, गांव चकौंध। हिंया दलित बस्ती के दुइ सौ मीटर रास्ता नहीं बनी हवै। या समस्या लगभग तीन बरस से हवै। यहै से आवैं जाये खातिर सैकड़न मड़इन का समस्या होत हवै। रास्ता बनवावैं खातिर कइयौ दरकी प्रधान शैलेन्द्र कुमार करवरिया से कहा गा, पै नहीं सुनत आय।
बस्ती के रानी, गेंदिया अउर राम औतार का कहब हवै कि रास्ता खराब होय से मड़इन के चोंटावे का डेर बना रहत हवै। काहे से कि गढ़वा मा कउनौ भी घुस सकत हवै। रात मा आवैं जाये मा बहुतै परेशानी होत हवै। रास्ता बनब जरूरी हवै। प्रधान शैलेन्द्र कुमार करवरिया रास्ता बनावै का नाम कत्तौ नहीं लेत हवै। प्रधान गांव का जिम्मेदार मड़ई हवै। वहिका हमार समस्या काहे नहीं देखात हवै। रास्ता बन जाये तौ नींक होइ जई।
प्रधान शैलेन्द्र कुमार करवरिया का कहब हवै कि ट्रैक्टर अउर ठेला मा ओवर लोड़ गिट्टी भर के मड़ई निकरत हवै। यहै से रास्ता खराब होइगे हवै। जबैकि पिछली पंचवर्षीय मा रास्ता बनवाये रहौं। अब रास्ता बनवा दीन जई। रास्ता बनावैं खातिर बजट पास होइगा हवै।