खबर लहरिया ताजा खबरें किसान भुखमरी खे कगार में

किसान भुखमरी खे कगार में

जिला महोबा, ब्लाक पनवाड़ी, गांव पहडि़या। एते के पचासन किसानन की जमीन अर्जुन सहायक परियोजना बांध के डूब क्षेत्र में जात हे। किसान भुखमरी के कगार आ गये हें।
वार्ड नम्बर चार ओर पांच के रहें वाले रामप्यारी बसोर नारायनदास ओर छेदालाल ने बताओ कि हमाई ई अर्जुन सहायक परियोजना बांध में चार-चार छह-छह बीघा जमीन डूब क्षेत्र में जात हे। जीसे हम बोहतई परेशान हंे। हमाओ परिवार पाले खा एक खेती को ही सहायता हतो। जोन ऊ भी डूब क्षेत्र में जात हे। अब हम आपन परिवार केसे पालहें। एसई अनुसुइया ने बताओ कि साठ बीधा जमीन डूब क्षेत्र में जात हे। सरकार ने एसी नई -नई योजना निकारी हें कि गरीबन खा मुश्वित को सामना न करने परे, पे ऊसे ज्यादा किसाान खा भुखमरी के कगार में कर दओ हे। जमीन खे मुआवजा के लाने सरकार चार गुना ज्यादा मुआवजा देय खा कहत हे, पे मुआवजा मिले खा कोनऊ भरोसा नइयां। काय से सिंचाई विभाग के करमचारी कहत हें कि अगर जमीन न देहो तो तुम्हाई जमीन जबरजस्ती ले लेहें ओर मुआवजा भी न दओ जेहें। अगर हमाई जमीन को मुआवजा न मिलहें तो हम आपन परिवार केसे पालहें।
प्रधान कमलेश ने बताओ कि जीखी जमीन डूब क्षेत्र में जात हे। ऊखे मुआवजा दस लाख छियासी हजार पर हेक्टेयर के हिसाब से दओ जेहें। जीखी पूरी जमीन डूब क्षेत्र में जात हे। ऊखे पता नइयां कि मुआवजा मिलहे की नई।
सिंचाई विभाग के सींचपाल सुन्दर लाल ने बताओ जीखी कम जमीन डूब क्षेत्र में जात हे। ऊखे ओई हिसाब से मुआवजा मिलहे। जीखी पूरी जमीन डूब क्षेत्र में जात हे, ओर भूमहीन हे ऊखे लाने प्रस्ताव बना के भूमध्य मण्डल विभाग में भेज देहें।